يله نعمل حلاوة المولد في البيت

يله نعمل حلاوة المولد في البيت
السلام عليكم ورحمة الله وبركاته
ان شاء الله هكتبلكو طريقه عمل بعض حلويات المولد في البيت
اولا
الفوليه والعلف والبندقيه واللوزيه والفستقيه وممكن جوز الهند الكبير او الصغير
علشان نعملها بنجيب نوع المكسرات المطلوب وبعدين بنعمل قطر تقيل يعني حوالي كوب ونص سكر علي كوب ماء فقط ونسيبه يغلي ونحطله عصره ليمون وماء ورد ولما يتقل نحط عليها المكسرات المحمصه
وبعدين علي صينيه مدهونه زين نصب الخليط ونساويه بسكينه عريضه مثلا بالسمك المطلوب
وقبل ميبرد ويجمد تماما بنقطعه لمستطيلات او بالشكل المطلوب وبالعافيه علي قلوبكم
في نوع لحلوي جوز هند الي بيبقي دواير كده ومتغطي بقمر الدين سهل جدا انتي بتفردي جوز الهند بعد ميتحط في القطر وبتقطعيه دواير وتجيبي شرايح قمر الدين الي انتي مقطعها وتلفيها عليه وتسيبيها لما تبرد تماما وممكن تلزقيها بشويه قطر

علي فكره النتيجه بتكون رائعه واوفر بكتير وكفايه انك بتبقي ضامنه المكسرات الصابحه الي انتي شارياهها لان ساعات الحلاوة الجاهزر بتكون قديمه

ثانيا الملبن وده منقول من منتدي تاني
ملبن بالمكسرات

المقادير

2 كوب سكر - 2 ملعقة نشاء كبيرة (كورن فلاور ) كوب ماء - زرة ملح ليمون - مكسرات جوز وبندق - اى روائح انتىبتحبيها ماء زهر او ماء ورد او فانيليا

الطريقة

نضيف السكر للماء ونرفعه على النار واول مايدوب السكر فى الماء نضع ملح الليمون والنشاء بعد اذابته فى ملعقتين ماء
ونبتدى فى التقليب على نار هادية وده بياخد فترة او مانحس انه بقى سميك نضع المازهر ونقلب ونغلق النار

نضع المكسرات طبعا تكون محمصة ومقشرة

نحضر طبق ونرشه بالنشاء مع سكر بودرة ونضع فيه الملبن

ونلف نعمل منه رول قطره حسب ماتحبى انا هنا صغرته علشان يبقى قطع صغيرة

ونقطعه بعد مايبرد ويتماسك

يسلموووو على ها الطريقة المممتازة
لكى تحياتى
تقبلى مرورى
دمـــــوع الـــقـــمــــر

مشكور اكتير على ها التوبيك
لك تحياتى
تقبل مرورى
عــيــون الــقــمــر